Тең ойын: «Қызылжар» мен «Тобыл» ҚПЛ-дың 18-турында ұпай бөлісті

Кеше өзіміздің «Қарасай» стадионында Қазақстан Премьер-лигасының 18-туры аясында «Қызылжар» қостанайлық «Тобылды» қабылдады. Бұл кездесу команда үшін ерекше болды — ол клубымыздың жаңа бас бапкері Виталий Леонидович Жуковскийдің жетекшілігімен өткен алғашқы ойын еді.
«Қызылжардың» негізгі құрамы: Дмитрий Челядник, Александр Соколенко, Олжас Керімжанов, Никита Губарев, Евгений Макаренко (к), Александр Нойок, Айбол Әбікен, Лиридон Латифи, Тимур Мульдинов, Этьен Бугре.
Алғашқы минуттардан-ақ екі команданың да тек жеңіс үшін шыққаны анық байқалды. Ойын кернеуі арта түсіп, 31-минутта Александр Зуевтің көмегімен қонақтар есеп ашты.
Алайда бұл жағдай біздің команданы жігерлендіре түсті. «Қызылжар» лезде алға ұмтылып, 40-минутта Лиридон Латифи қарсыласын шеберлікпен алдап өтіп, дәл соққымен есепті теңестірді — 1:1!
Екінші таймда біздің команда әлдеқайда жақсырақ көрінді, екінші голды соғатын бірнеше тамаша мүмкіндік болды, бірақ тақтадағы есеп сол күйі 1:1 болып аяқталды.
Трибунада қызу қолдау көрсеткен барша жанкүйерлерге алғыс айтамыз! Келесі ойынды 25 шілде күні сағат 18:00-де сырт алаңда талдықорғандық «Жетісуға» қарсы өткіземіз.