Қазақстан жастар құрамасының — «Қызылжар» сапында

Қазақстан жастар құрамасының екі бірдей талантты футболшысы командамызға ресми түрде қосылды! 

Димаш Серікұлы — Қазақстан жастар құрамасының жартылай қорғаушысы және Тараз футбол мектебінің түлегі. Ол оң және сол қанатта, сонымен қатар орталық шабуылшы позициясында да шебер ойнай алады. 20 жастағы ойыншы КПЛ-да 11 матч өткізіп, 1 гол мен 1 нәтижелі пас берген. Ал 2023 жылы QJ League-де 21 матчта 11 гол соғып, 3 нәтижелі паспен турнирдің ең үздік ойыншысы (MVP) атанды.

Дулат Талыспаев — Қазақстан жастар құрамасының негізгі қақпашысы және Алматы футбол мектебінің түлегі. Жас қақпашының еуропалық тәжірибесі бар: ол 2023 жылдан бастап Данияның «ХБ Кёге» клубының жүйесінде өнер көрсетіп келді.

Жастар құрамасының қос өкіліне «Қызылжар» сапында сәттілік тілейміз! Клубымызбен бірге жаңа биіктерді бағындырып, шеберліктеріңді одан әрі шыңдай түсуге тілектеспіз!